Bioetika eta Giza Eskubideei buruzko Adierazpen Unibertsala
14. artikulua. Gizarte erantzukizuna eta osasuna
- Gobernuen funtsezko eginkizuna da beren herrientzako osasuna sustatzea eta gizartea garatzea. Eginkizun horrekin bat datoz gizarteko sektore guztiak.
- Kontuan izanda gizaki ororen oinarrizko eskubideetako bat lor daitekeen osasunik onena izatea dela, arraza, erlijio, ideologia politiko edo ekonomia- edo gizarte-egoeragatik bereizketarik egin gabe, zientzia eta teknologiaren aurrerapenek honako hauek sustatu beharko lituzkete:
a) kalitateko osasun-laguntza eta behar-beharrezko sendagaiak lortzeko aukera, batez ere emakume eta haurren osasunerako, osasuna bizitzarako bererako funtsezkoa delako eta gizartearen eta gizakiaren ondasuntzat jo behar delako;
b) janari eta ur egokiak izateko aukera;
c) bizimodua eta ingurumena hobetzea;
d) inor edozergatik marjinatu eta bazter dezaten galaraztea; eta
e) pobrezia eta analfabetismoa gutxitzea.
Ararteko 2014
