Sexuagatiko edonolako bereizkeria deuseztatzea
Arartekoari eman zaion eginkizun nagusia, jakina denez, herri-administrazioek oinarrizko eskubideak urra ez ditzaten zaintzea da, besteak beste, berdintasunerako eta sexuagatik bereizkeriarik ez pairatzeko eskubidea (4/2005 Legea, Emakumeen eta Gizonen Berdintasunerako - 3.1 artikulua eta Ley Orgánica 3/2007, para la igualdad efectiva de mujeres y hombres - 6. artikulua). Horregatik, sexu batekoa edo bestekoa izateagatik egin daitezkeen bereizkerien aurrean herri-administrazioek duten jarrera ikuskatu eta kontrolatzea da arlo honetan egiten dugun lanaren zati bat. Bi ikuspegitatik begiratuta egiten dugu lan hori:
- Alde batetik, erakunde honek kontrolatu beharra dauka herri-administrazioetan, edo horien onespena edo jarduerarik eza direla medio, sexuagatik bereizkeriarik ez dela egingo.
- Beste alde batetik, ohartzen gara emakumeek historian bizi izan duten preterizio egoera dugula abiapuntu; horregatik, bereziki euskal herri-administrazioren batek zuzenean sortarazitako bereizkeria, edo hark espresuki edo isilbidez onetsi edo baimendutakoa deuseztatzera bideratu behar ditugu gure ahaleginak. Horretarako, emakumeen bereizkeriaren kontrako gure lanean, onartu beharra daukagu emakume baten diskriminazio zehatz bakoitza egitura-desberdintasuneko sistema baten adierazpen berezia dela, eta ezinbesteko premisa horretatik abiatuta aztertu, ebaluatu eta eragotzi behar dela.
| GAI HONEKIN LOTUTAKO ESTEKAK | |
|
Emakumearen kontrako edonolako bereizkeria deuseztatzeari buruzko hitzarmena |
Ararteko 2014
