Egin zure kexa

Lectura fácil

NOIZ EGIN DEZAKEZU KEXA?

Euskal Herriko administrazio batekin (udal bat, foru aldundi bat,
Eusko Jaurlaritza edo horien mendeko beste erakunde bat)
arazo bat daukazunean, kexa egin diezaiokezu Arartekoari.

Arartekoari kexa egin baino lehenago, arazoa sorrarazi dizun
administrazioari erreklamatu behar diozu.

Arartekoari kexa egin diezaiokezu kexaren zergatia jakiten duzun unetik
urtebete igaro arte.

Ezin diozu Arartekoari kexarik egin:

Arazoa partikularren (norbanakoen) artekoa denean.
Arazoa auzitegietara eraman denean.

ZER EGIN BEHAR DUZU?

Kexa egiteko, honako informazio hau eman behar duzu:

zure datu pertsonalak (izen-abizenak, helbidea eta telefonoa)
idazki bat kexaren zergatia azaltzeko, ahal bada
kexa azaltzeko lagungarriak diren agirien kopiak

Kexa Arartekora bidal dezakezu:

Postaz:
Arartekoa
Prado 9
01005 Vitoria-Gasteiz
Faxez: 945 13 51 02
Posta elektronikoz: arartekoa@ararteko.eus

NOLA EGIN KEXA INTERNET BIDEZ?
Jarduteko eskaera (kexa edo kontsulta)

Arartekoa zure kexa edo kontsulta izapidetzen
has dadin eska dezakezu zenbait bideren bitartez,
besteak beste, web orrialde honetako egoitza elektronikoa.
Izapideen katalogoan ikus ditzakezu egin daitezkeen
jarduera guztiak.
Jarduteko eskaera egiteko, formulario bat deskargatu eta bete
behar duzu.
Bi modutan sar zaitezke formularioan:

Ziurtagiri digitalik gabe
- -Ez duzu identifikaziorik behar.
- -Ez da bermatzen nork egiten duen eskaera.
Ziurtagiri digitalarekin
- -Ziurtagiri digitala behar duzu,
  edo sinadura elektroniko balioztatua.
- -Ziurtagiriarekin, automatikoki lortuko ditugu zure datu guztiak.
- -Bermatu egiten da nork egin duen eskaera, baita
  bidaltzen den informazio osoa.
- -Isilpekotasuna eta segurtasuna ahalik eta handienak dira.
- -Zure eskaera automatikoki erregistratzen da
  Arartekoaren erregistro elektronikoan.

Sakatu hemen formularioa nola bete azaltzen dizugun gidan sartzeko.

Era berean, jarduteko eskaera egin dezakezu:

Aurrez aurre. Aldez aurretik ordua eskatu behar da
telefonoz edo Arartekoaren bulegoetan:

Araban. Prado 9. Gasteiz. 945 13 51 18
Bizkaian. Done Bikendi 8. Bilbo. 944 23 44 09
Gipuzkoan. Arrasate 19. Donostia 943 42 08 88

Postaz:
Arartekoa, Prado 9 - 01005 Vitoria-Gasteiz
Faxez:
945 13 51 02
Posta elektronikoz:
arartekoa@ararteko.eus

Noiz egin dezaket kexa?

EAEko administrazioren batekin (udalak, foru aldundiak, Eusko Jaurlaritza) edo haren mendeko zerbitzu publiko batekin arazoren bat duzunean.

Eragindako administrazio publikoari kexa azaldu eta gero.

Kexa sorraraz dezaketen egintzen berri jakiten duzun unetik hasita, urtebeteko epean.

Noiz ezin dut kexarik egin?

Arazoa partikularren edo pertsona pribatuen artekoa denean.

Gaia auzibidera eraman denean.

Nola egin dezaket kexa?

Zure datuak (izena, abizenak, helbidea, telefonoa), baliagarriak diren agirien kopiak eta, ahal denean, kexatzeko arrazoia azaltzen duen idazki bat bidaliz.

IDATZIZ

Postaz, helbide honetara:: Ararteko Prado, 9 01005 Vitoria-Gasteiz
Faxez, zenbaki honetara: 945 13 51 02
Posta elektronikora igorriz.: arartekoa@ararteko.eus

BERTAN

Bertan, zuzeneko laguntzako hiru bulegoetako edozeinetan, telefonoz ordua eskatzeko (945135118)

INTERNET (EGOITZA ELEKTRONIKOA)

Jarduteko eskaera (kexa edo kontsulta) internet bidez eska daitekeen tramiteetako bat da, dagozkion inprimakiak erabiliz (Inprimakiak betetzeko gida)

ZIURTAGIRI DIGITALIK GABEKO FORMULARIOA
- Ez duzu ziurtagiri digitalik edo sinadura elektroniko onarturik izan behar.
- Ezin da bermatu eskaera egiten duen pertsonaren nortasuna.
ZIURTAGIRIA DUEN FORMULARIOA
- EZINBESTEKOA da ziurtagiri digitala edo onartutako sinadura elektronikoren bat izatea.
- Zure ziurtagiriko datu guztiak automatikoki eskuratuko dira.
- Eskaera egiten duen pertsonaren nortasuna eta bidaltzen den edukiaren osotasuna bermatzen dira.
- Konfidentzialtasun- eta segurtasun-mailarik handiena lortzen da.
- Zure eskaera automatikoki erregistratuko da gure erregistro elektronikoan.

Kontsultatu egin dezakezun izapideen katalogo osoa