ARARTEKOAREN ONDOKOA EMAKUMEAK SEXU-ESPLOTAZIORAKO SALEROSTEARI BURUZKO JARDUNALDI BATEAN PARTE HARTZEN ARI DA EGUNOTAN

"Emakumeak sexu-esplotaziorako salerostea" izenburuko jardunaldi transnazionalean parte hartzen ari da egunotan Julia Hernández arartekoaren ondokoa .

Jardunaldi hori Ombudsmanaren Iberoamerikako Federazioaren Emakumeen Defentsa-erakundeen Sareko Europako eskualdeak antolatu du (Julia Hernández eskualde horretako koordinatzailea da), helburu honekin: fenomeno horrekin zerikusia duten eskubideak babesteko gure sistemaren ahulguneak eta indarguneak eztabaidatzea eta botere publikoen erantzunak kontrastatzea.

Aurki argitaratuko dira gure webean jardunaldian ateratzen diren ondorioak eta adierazpena.