"European Rainbow Cities" nazioarteko biltzarra eta Bartzelonako LGBT taldearentzako udal planaren aurkezpena

Iñigo Lamarca arartekoak Bartzelonako LGBT Taldearentzako Udal Planaren aurkezpenean parte hartuko du bihar, ostirala.

Aurretiaz, gaur eta bihar, arartekoa Bartzelonan bertan egongo da, "European Rainbow Cities" Nazioarteko Biltzarrean. Homofobiaren kontrako tokiko politikak aztertuko dira bertan.

Topaketa horren helburuak hauexek dira: Europar Batasuneko homofobia eta transfobiari buruzko diagnostikoa egitea; udal mailan homofobiaren eta transfobiaren kontrako politika publikoak zabaltzea; homofobiaren kontrako udal politika publikoen erronka nagusiak identifikatzea; eta, homofobiaren eta transfobiaren aurkako politika publikoak direla-eta, elkarrizketa bultzatzea tokiko administrazioen, adituen eta lesbiana, gay, transexual eta bisexualen (LGTB) elkarteen artean.

Vitoria-Gasteiz, 2010eko urriaren 14a